Општинскиот фудбалски сојуз Прилеп објави јавен повик за обука на млади фудбалски судии, со цел да им овозможи на љубителите на фудбалот да станат дел од играта – но од друга перспектива.
Преку оваа програма, кандидатите ќе имаат можност да развијат авторитет и самодоверба, да изградат силна и фер личност, да поттикнат тимски дух и нови пријателства, како и можност за напредување и заработка во фудбалската судиска кариера.
Период на пријавување е секој работен ден од 09:00 до 17:00 часот, во канцеларијата на ОФС Прилеп (стара општина). Контакт телефони: 078 399 100 и 076 959 855.
Сите заинтересирани млади љубители на фудбалот се охрабруваат да се пријават и да станат дел од новата генерација на фудбалски судии во Прилеп.
