Македонскиот млад пливач Петар Цеков постигна огромен успех со освојување на златниот медал на Комен Купот во Кипар, на трката од 7.5 километри.
Предводен од својот тренер Горан Стаменов, Цеков имаше фантастично издание, зад себе оставајќи ги конкурентите од Франција и Шпанија, кои го комплетираа победничкото подиум-трио.
Особено импресивен е фактот што Цеков има само 16 години, а настапи на натпреварување каде учествуваат пливачи до 18 години, што дополнително го истакнува неговиот успех.
Комен Купот е престижно меѓународно натпреварување на кое учествуваат талентирани пливачи од повеќе земји, меѓу кои Турција, Грција, Израел, Шпанија и други.
Со овој резултат, Цеков уште еднаш потврди дека Македонија има светла иднина во пливањето.
