Фудбалерот на Тиквеш, Данаил Тасев денес против Брера Струмица го има својот 100-ти натпревар во дресот на кавадаречкиот прволигаш.
Пред денешниот меч од 24. коло од Првата лига против Струмица, претседателот на Тиквеш, Миле Масларков му додели дресот на Тасев со бројот 100 кој го симболизира неговиот „влез во клубот 100“ на прволигашот од Тиквеш.
23-годишниот фудбалер покрај за Тиквеш, настапуваше и за Работнички.
Во тековната сезона Тасев забележа 19 натпревари за Тиквеш во ПМФЛ, а на кои имаше еден гол и три асистенции, а имаше и еден настапот во Купот на Македонија во дресот на тимот од Кавадарци.
