Екипата на Света Троица со 3:1 славеше над Влазними во рамки на 3. коло на Трета лига – Југозапад и со тоа охридскиот тим е на чело на табелата.
Четири погодоци беа постигнати на теренот со вештачка треба, а на крај охриѓани беа подобри од стружани.
Никола Миткоски и Леонид Џајкоски постигнаа погодоци за 2:0 на полувреме, а во вториот дел рано гол даде Денис Шадов за 2:1, па така гостинот од Струга се обидуваше да парира и да создава шанси за израмнување.
Сепак, во 86. минута од средбата во Охрид, домашниот тим преку Теодор Речкоски дојде до конечните 3:1 и со новите три бодови Света Троица е лидер на табелата.
Славеј од Мешеишта загуби на гостувањето кај Демир Хисар со резултат од 3:0, откако домашниот тим во првиот дел до некаде го реши мечот имајќи два гола предност.
Оливер Јанкуловски и Димитар Дамчевски стрелаа во првиот дел, а во финишот на мечот во 94. минута Леонид Кочовски ги постави конечните 3:0.
Велешта преку пресврт славеше домашна победа од 2:1 над Кравари. Гостинот уште во првата минута го отвори резултатот и имаше предност од 0:1, но во 16. минута Енес Истрефи постигна гол за 1:1.
До последниот судиски свиреж беше борбата за трите бодови, кога во 89. минуат Елмаз Шеи постигна гол за 2:1 и со тоа трите бодови останаа дома.
Поранешниот второлигаш Караорман забележа триумф на домашен терен од 4:2 над новиот третолигаш Могила преку пресврт.
Гостинот двапати доаѓаше до предност, но не успеа да собере бодови од Струга. Антонио Спировски постигна гол во 4. минута за 0:1, а во 26. минута Симеон Миноски погоди за 1:1. По десет минути игра Хакан Алимовски погоди за 1:2 на полувреме.
Во вториот дел Бојан Кантаровски си постигна автогол, а веќе во 49. минута Караорман имаше предност од 3:2 со голот на Ненад Балоски.
Во 78. минута од средбата покрај езерото Христијан Спироски ги постави конечните 4:2.
Фатјон Леши со два погодоци обезбеди победа за Кораб од 2:1 над Напредок од Ношпал во меч кој се играше на Градскиот стадион во Дебар, а стрелец за гостинот беше Христијан Вашеревски.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК СВЕТА ТРОИЦА 2021 🔼 | 3 | 2 | 1 | 0 | 8 | 5 | +3 | 7 |
| 2 | ФК ВЛАЗНИМИ 🔽 | 3 | 2 | 0 | 1 | 11 | 8 | +3 | 6 |
| 3 | ФК КАРАОРМАН 🔼 | 3 | 2 | 0 | 1 | 9 | 6 | +3 | 6 |
| 4 | ФК Могила 2023 🔽 | 3 | 1 | 1 | 1 | 9 | 6 | +3 | 4 |
| 5 | ФК КОРАБИ 🔼 | 3 | 1 | 1 | 1 | 5 | 6 | -1 | 4 |
| 6 | ФК СЛАВЕЈ с.Мешеишта 🔽 | 3 | 1 | 1 | 1 | 3 | 5 | -2 | 4 |
| 7 | ФК КРАВАРИ 🔽 | 3 | 1 | 0 | 2 | 5 | 5 | 0 | 3 |
| 8 | ФК НАПРЕДОК с.Ношпал 🔽 | 3 | 1 | 0 | 2 | 5 | 6 | -1 | 3 |
| 9 | ФК ДЕМИР ХИСАР ➖ | 3 | 1 | 0 | 2 | 6 | 8 | -2 | 3 |
| 10 | ФК Велешта Унитед ➖ | 3 | 1 | 0 | 2 | 5 | 11 | -6 | 3 |
