Ракометниот клуб Алкалоид ги објави деталите за големото дерби во третото коло од Супер лигата. Шампионот Еурофарм Пелистер ќе гостува во Автокоманда в недела, на 21 септември, со почеток во 18:00 часот.
Пред ова, битолчани в четврток ќе го играат натпреварот од Лигата на шампионите во Париз, каде што ќе се сретнат со силниот ПСЖ.
Покрај дуелот меѓу Алкалоид и Еурофарм Пелистер, третото коло ќе донесе уште едно дерби – Вардар против Охрид. Овој натпревар е закажан за в сабота во 18:00 часот и ќе се игра во спортскиот центар „Борис Трајковски“ поради зафатеноста на ракометниот храм на Вардар.
