Европската ракометна федерација (ЕХФ) ги назначи официјалните лица за натпреварите од второто коло во женскиот ЕХФ Европски Куп, а македонските арбитри Методија и Михајло Илиевски добија нова меѓународна задача.
Тие ќе ја делат правдата на реванш натпреварот што ќе се одигра во Косово, каде што домашниот тим Шќипоња ќе ја пречека швајцарската екипа Винтертур. Првиот натпревар меѓу овие две екипи ќе се одигра во швајцарски Шафхаузен.
Реваншот е закажан за 4 октомври, со почеток во 18:00 часот, и ќе се игра во спортската сала „Шани Нуши“ во Ѓаковица.
