Денеска на Градскиот стадион во Радовиш се одигра пријателски натпревар помеѓу младите репрезентации на Македонија и Кипар (до 17 години), кој заврши со минимална победа на гостите од 0:1.
За жал, натпреварот го одбележа тешката повреда на македонскиот репрезентативец Сонер Рекипи, кој веднаш хоспитализиран во болницата во Радовиш.
Стрелец на единствениот гол беше Кристодоулу Кириакос.
Овие две селекции ќе се сретнат повторно во четврток од 13:00 часот, повторно на градскиот стадион во Радовиш.
Потсетување, на истиот стадион неодамна се одигра и пријателски натпревар на репрезентациите на Македонија и Босна и Херцеговина до 19 години.
Тоа беше прво репрезентативно доживување за радовишани по цели 30 години – уште од далечната 1995 година, кога Македонија до 21 година славеше убедливо со 7:2 против Бугарија.
