Денес со натпреварите од првото коло започна новата сезона во Третата македонска фудбалска лига – Југозапад, а веднаш на стартот видовме голгетерски мечеви и изненадувања.
Славеј од Мешеишта победнички ја започна новата сезона откако славеше со пресрт над Кравари со 1:2. Домашниот тим преку Сашко Лазаревски има гол предност на полувреме, а во второто полувреме, Климент Гиновски израмни, а Даниел Корокоски во 71. минута донесе пресврт и победа за гостите.
Влазними во Демир Хисар славеше со убедливи 2:5. За домашните двоен стрелец беше Димитар Трајковски, додека за гостите два пати погоди Денис Шадов, а по еднаш Аљтин Лога, Елидон Рочи и Ерјон Амети.
Новакот во лигата, Могила, ја отвори сезоната со висока победа од 0:5 на гостувањето кај Велешта Јунајтед. Стрелци беа Антонио Спироски, Мики Талевски кој даде два гола, Хакан Алимовски и Драган Мицески.
Света Тројца на новиот стадион кај поранешната касарна во Охрид славеше со 3:2 против новиот третолигаш Напредок од Ношпал. Гостите поведоа преку Владе Јанакиевски, но со головите на Хадис Сулејмани, Никола Миткоски и Климент Филев домаќините направија пресврт на полувреме. Јанакиевски со втор погодок во вториот дел само го ублажи поразот.
Поранешниот второлигаш Караорман славеше со 4:2 против Кораб од Дебар. Искусниот Ивица Ќелешоски двапати ја погоди мрежата, а по еден гол постигнаа Ненад Балоски и Игор Клечкароски. За Кораб двоен стрелец беше Фатјон Леши.
Првото коло покажа дека оваа сезона ќе биде исполнета со голови, неизвесни натпревари и силна конкуренција во југозападниот регион.
