Денес беа одиграни натпреварите од 2. коло во Третата македонска фудбалска лига – Исток, кои донесоа многу возбудувања и драматични моменти.
Малеш – Дојранско Езеро 1-2
На домашен терен во Берово, Малеш доживеа нов пораз. Денил Дестанов погоди за домашните, но гостите од Дојран приредија пресврт – Роберто Велев израмни, а Глигор Јанкулов во 91. минута донесе победа за Дојранско Езеро.
Тиверија – Рудар 0-1
Во Струмица, Рудар од Пробиштип славеше минимално. Херој за гостите беше Никола Илиевски, кој го постигна единствениот погодок.
Овче Поле – Карбинци 2-1
Во Свети Николе, домашниот тим со два гола на Трајче Илиев дојде до триумф. За Карбинци стрелец беше Христијан Крстов, но недоволно за бодови. Овој натпревар требаше да се игра во Карбинци, па истиот се играше во Свети Николе, односно двете екипи направија промени, а по повод празникот на градот и 100 години од постоењето на клубот, од страна на ФК Овче Поле беше организиран настан Увид во работата на изградбата на долгоочекуваната соблекувална”.
Брегалница Делчево – Светлост Зрновци 4-1
На градскиот стадион во Делчево, Брегалница одигра доминантен меч. Јован Дојчинов постигна два гола, а по еден додадоа Бојан Петровски и Драган Стоиловски. За гостите од Зрновци, Славче Митовски беше единствениот стрелец.
Победа Валандово – Ударник 3-0
Во Валандово, Победа забележа убедлива победа. Стојанчо Наков погоди уште во 7. минута за водство, а во второто полувреме Никола Костадинов и Филип Зајков ги поставија конечните 3-0.
Верните „Калинкари“ направија вистинска ерупција на стадионот во Валандово, а Победа прослави голема победа во дербито со тимот од Пирава.
Во второто коло слободна беше екипата на Хоризонт Турново.
Со овие резултати, уште од самиот старт лигата носи неизвесност, а повеќе екипи покажуваат дека ќе има жестока борба и на врвот и во долниот дел од табелата.
