Второлигашот Детонит Плачковица од Радовиш официјално ги претстави новите дресови со кои ќе настапува во сезоната 2025/26.
Новите дресови се од брендот „Givova“ и доаѓаат во елегантна бело-плава комбинација, која ќе биде заштитен знак на радовишани во претстојната сезона.
Првиот домашен натпревар за Детонит Плачковица е закажан за денес на Градскиот стадион во Радовиш, каде од 16:00 часот ќе го пречекаат тимот на Слога Виница.
Радовишани во новата сезона влегуваат со освежен ростер, нова енергија и повисоки амбиции, а клубот инвестираше и во комплетно нова опрема, дел од која се и новите дресови.
Навивачите денес ќе имаат можност одблиску да го проследат првиот домашен меч на својот миленик во новата сезона.
МЕГА ФОТОГАЛЕРИЈА до новите дресови на Детонит Плачковица и од последниот тренинг на радовишани пред денешниот натпревар со Слога Виница ќе биде достапна на нашата официјална фејсбук страница и инстаграм профил.
