Детонит Плачковица утре го игра првиот домашен натпревар против Слога Виница, а тоа ќе биде соочување и на двата штипски тренери Горан Здравков и Емил Грнев.
Новото засилување на радовишани Нијаз Јусуфи вели дека атмосферата во тимот е одлична и дека се подготвени трите бодови да останат во Радовиш со поддршка од верната публика.
„Атмосферата е одлична во екипата, повеќе од една недела тренирам со екипата. Ние сме подготвени и очекувам утре три бода. Ги повикувам сите навивачи на Детонит Плачковица да дојдат утре и да не’ поддржат, а ние да вратиме со три бода“, вели Нијаз Јусуфи за Спортска Мрежа.
Натпреварот се игра на Градскиот стадион во Радовиш, а почетокот е закажан за 16 часот.
