Денес беше комплетирано третото коло од Првата женска фудбалска лига, а воедно се одигра и заостанатиот натпревар од првото коло.
Во рамките на 3. коло, актуелниот шампион Љуботен на домашен терен покажа апсолутна доминација и со убедливи 11:0 го совлада повратникот Кочани. Голеадата започна уште во првата минута, а во листата на стрелци се запишаа Јулија Живиќ и Ива Јовановска со по два погодоци, капитенката Александра Марковска постигна еден гол, додека Елена Симјанова и Настасја Накова реализираа по три погодоци, при што едниот гол на Накова беше од белата точка.
Во Струга, пак, се одигра заостанатиот натпревар од 1. коло меѓу Ас Јунајтед и дебитантот Вардар, а домашниот тим славеше со убедливи 12:0. По еден гол постигнаа Тамара Лазеска, Веса Села и Јована Павловска, двојни стрелци беа Теодора Далческа, Ихдина Речи и интернационалката од Перу Рајане Калото Да Силва, додека хет-трик оствари Ана Беатриз Тарантино Гилхермино Салино.
Со овие дуели, останува да се одигра уште заостанатиот натпревар од 2. коло меѓу Тиверија Брера и Вардар, кој е закажан за 10 септември, по што ќе се комплетираат првите три кола во првенството.
