Со богатото искуство стекнато во домашни и странски клубови, искусниот дефанзивец Кире Ристевски е подготвен да донесе стабилност и лидерство во редовите на Македонија Ѓорче Петров.
34-годишниот стопер, кој минатото лето се пресели во Струга Трим Лум, сега ќе ја засили одбраната на скопскиот тим кој се врати во Првата македонска фудбалска лига (ПМФЛ). Со своето богато клупско и репрезентативно искуство, Ристевски се очекува да биде лидер на дефанзивата и да донесе стабилност на „лавовите“ под водство на Бобан Грнчаров.
Кариерата на Ристевски започна во Пелистер, а потоа настапуваше во Албанија (Елбасан, Билис, Тирана), Бугарија (Славија Софија), Унгарија (Васас, Ујпешт), Кипар (АЕЛ Лимасол, Етникос) и Ерменија (Пјуник). Во македонскиот фудбал играше за Пелистер, Работнички и последно за Струга Трим Лум.
