По шест одиграни кола во ракометната Суперлига на Македонија, на врвот од табелата со по максимални 12 бодови се Охрид и Алкалоид. Двете екипи тргнаа одлично во новата сезона со максимални шест од шест.
Вардар е на третото место со 10 бодови, колку што има и шампионот Еурофарм Пелистер кој е пак четврти на табелата.
Бутел има шест бодови и се наоѓа на петтото место на табелата, а пак по пет бодови имаат Тиквеш кој е на шесттото место и Прилеп кој е на седмото место. Таман на границата за плеј-оф односно плеј-аут.
Пролет со четири бодови е осми, колку што има и Куманово кој е деветти, а пак Бисинов како десеттопласиран има два бодови, како и Струга која е претпоследна.
Засега без бодови и понатаму е Радовиш кој е на дното од табелата.
- КАКО ИЗГЛЕДА ТАБЕЛАТА ПО ШЕСТ КОЛА:
Во следното коло Бисинов на домашен терен ќе го пречека апсолутниот фаворит Алкалоид кој во Велес доаѓа повеќе од јасно да одигра меч и лесно да ги освои трите бодови.
Еурофарм Пелистер на домашен терен ќе го пречека непоразениот лидер Охрид, во меч каде шампионот ќе биде на вистински тест против „гладијаторите“ кој играат допадлив ракомет.
Прилеп на домашен терен ќе се соочи со фаворитот Вардар, каде прилепчани одат по изненадување против поранешниот двократен европски шампион.
Струга на домашен терен ќе се соочи со Радовиш во меч каде стружани ќе сакаат втора сезонска победа, а пак Радовиш покрај езерото ќе ги бара првите бодови.
Тиквеш во Кавадарци го пречекува тимот на Бутел каде двата бодови ќе биде императив и за двете екипи во трката за место во плеј-офот.
Пролет на домашен терен ќе се соочи со Куманово во можеби и најнеизвесниот меч како тој во Кавадарци каде ќе двете екипи ќе ги бараат бодови особено домаќинот во обид да стигне до место за влез во плеј-офот.
