По четири одиграни кола во Третата македонска фудбалска лига – Југозапад продолжува неизвесноста околу тоа кој ќе биде најдобар стрелец.
На листата на најдобри стрелци со по седум погодоци се Никола Секулоски, фудбалерот на Сатеска од Волино и Денис Шадов, фудбалерот на Влазними.
Потоа следува Фатјон Леши од Кораби од Дебар, а по пет голаа имаат Никола Пластиновски и Неџми Реџепи, двајцата фудбалери на Преспа од Ресен, екипа која е лидер во Трета лига – Југозапад.
По четири погодоци имаат Беким Бекси од Велешта, Боге Бимбилоски, фудбалерот на Света Троица, Темир Емини од Кравари, Владе Јанакиевски од Евротип и Стефан Каревски од Демир Хисар.
Пет фудбалери имаат постигнато по три погодоци, а пак единаесет фудбалери се имаат запишано во листата на стрелци со по два гола.
Емир Нура од Велешта, Валентино Петрески од Демир Хисар и НИкола Шеровски од Светлост си постигнаа по еден автогол.
