Младиот македонски тенисер Марко Алексовски блесна на вчерашната програма од турнирот за играчи до 14 години што се одржува во Барселона, освојувајќи две победи – една во сингл и една во дубл конкуренцијата. Турнирот е од категорија 1 за оваа возрасна група, а Алексовски настапува како дел од тимот на ITF–Tennis Europe, финансиран од Grand Slam Development Fund.
Во сингл, Алексовски славеше над домашниот претставник Алваро Марин со убедливи 2-0 во сетови (6-4, 6-1) и обезбеди место во третото коло, каде утре ќе се соочи со уште еден шпански тенисер – Хозе Луис Вега Понс.
Во дубл, заедно со Франциско Сардиња од Португалија, кои се поставени како први носители, во второто коло ја совладаа шпанската двојка Оливер Марин Хран и Серхио Мартинез Васкез со 2-0 во сетови (6-3, 6-3).
