Лина Ѓорческа со голем пресврт до победа на турнир во Србија

Македонската тенисерка Лина Ѓорческа обезбеди место во второто коло на W75 турнирот во Куршумлијска Бања, Србија (награден фонд 60.000 долари), совладувајќи ја четвртата носителка Деспина Папамихаил од Грција со 2-1 во сетови (3:6, 6:1, 6:2) за 1 час и 50 минути игра.

По загубениот прв сет, Ѓорческа доминираше во продолжението, препуштајќи само три гема во наредните два сета. Во второто коло ќе се сретне со Дарја Астахова, против која славеше пред една недела.