Екипата на Арсими денес ќе го има својот деби меч во Првата македонска фудбалска лига, клубот од Чегране испиша историја со пласманот во фудбалската елита на Македонија.
„Веруваме дека ќе бидеме подготвени да дадеме пример на екипа што игра со страст, почит и достоинство, а пред сè, ги почитува противниците и промовира коректна и фер игра. Само со таков пристап ќе им овозможиме на нашите навивачи и на сите љубители на фудбалот да уживаат во натпреварите, додека нашиот клуб со достоинство и гордост ќе се бори за позитивни резултати“, рече претседателот на клубот Амир Билали во изјата за ФФМ.
Мечот во Куманово ќе биде соочување на двете екипи кои минатата сезона водеа борба за влез во ПМФЛ.
„Не очекува тежок натпревар. Целосно сме подготвени и мотивирани да ја започнеме сезоната со победа.Играме дома и верувам дека со поддршката од публиката, која ќе дојде во голем број, на крајот ќе се израдуваме на победата“, изјави капитенот на Башкими, Арменд Алими за ФФМ.
Натпреварот во Куманово започнува во 17:30 часот.
