Останато

Дамите на ШК Алкалоид без пораз на шаховскиот шампионат во Струмица!

Сподели
ФОТО: ШК Алкалоид
Сподели

Шахистките на Алкалоид со убедлива и сигурна игра, остварувајќи максимални пет победи во пет кола, стигнаа до 10 меч-бодови и ја освоија шампионската титула за 2025 година на Екипното државно првенство за жени што се игра во Струмица.

Во последното коло, тимот на Алкалоид славеше над ШК Неготино со 3,5-0,5. Со ова, Неготино го заврши турнирот на третата позиција со 6 бодови, додека второто место ѝ припадна на екипата на МШК Центар со освоени 8 меч-бодови.

Алкалоид настапуваше во комплетен состав: ИМ Лела Јавакишвили, ВМ Бела Котенашвили, ЖФМ Моника Стојковска, ЖИМ Габриела Коскоска, ЖФМ Моника Жежовска и Леа Ефтовска. Во текот на целиот турнир екипата одигра без пораз, со вкупно 17 победи, три ремија и без ниту една загубена партија.

Триумфот на шахистките ја отвора можноста за двојна круна, бидејќи и машката екипа на Алкалоид води во конкуренцијата по пет одиграни кола. Синоќешната убедлива победа со 6-0 над ГШК Куманово 1 ја потврди доминацијата на фармацевтите и ја демонстрираше јасната разлика во квалитет.

„Карактеристика на мечевите во женската конкуренција е големата непредвидливост и честите пресврти. И овојпат беше така – имаше вистински оган на таблите, голема борба и силни емоции. Во клучниот меч за титулата, одлична партија одигра женскиот ФИДЕ-мајстор и повеќекратна државна шампионка Моника Стојковска, но и останатите партии беа резултат на повеќемесечни подготовки.

Овојпат разработувавме неколку сценарија – нешто што не е типично за екипни мечеви  но токму тоа ни овозможи да бидеме подготвени за секоја ситуација. Не беше лесно ниту за интернационалките на првите табли. Иако, со исклучок на екипите на Центар и Неготино, останатите клубови немаа високо рангирани играчи, мечевите беа тешки и неизвесни.

Конкуренцијата беше сконцентрирана во помал број екипи, но дополнителна тешкотија донесе одлуката на Шаховската федерација на Македонија да се играат две кола во еден ден. Тоа значително влијаеше на ритамот и кондицијата на шахистките.

Се надевам дека во иднина женскиот шах во Македонија ќе продолжи да се развива, особено преку поддршка и развој на младите таленти – нешто што мора да биде долгорочна заложба во интерес на целиот македонски шах“, изјави ВМ Влатко Богдановски, капитен на женскиот тим на ШК Алкалоид. “

Одлични настапи бележи и младата екипа на ШК Мулти Есенс, составена од шахисти кои потекнуваат од школата на Алкалоид. Тие вчера го совладаа ШК Гостивар со 3,5-2,5 и остануваат непоразени, моментално второпласирани со 9 бодови. Според правилникот, на првите две табли настапуваат странски играчи, чии партии завршија реми. Победи забележаа Михаил Јорданов и Матео Ефтовски, ремизираше Стојан Велкоски, а единствен пораз доживеа Теодор Јовановски.

Во останатите натпревари од петтото коло, ШК Шкупи и ШК Нов Напредок од Штип одиграа без победник (3-3), додека екипата на Прилеп беше поразена од ШК Гамбит со резултат 1,5-4,5.

Во шестото коло, ШК Алкалоид ќе се сретне со ШК Гостивар, а тимот на ШК Мулти Есенс го очекува клучен дуел за врвниот пласман против директниот конкурент, ШК Нов Напредок од Штип, кој моментално се наоѓа на делба на третата позиција.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Кошарка

МЗТ Скопје доби нов тренер – искусниот Дејан Мијатовиќ го презема македонскиот шампион!

Актуелниот македонски кошаркарски шампион МЗТ Скопје Аеродром го реши прашањето околу новиот шеф на стручниот штаб. Искусниот српски стратег Дејан Мијатовиќ е назначен...

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со максимални 3:0 во сетови во рамките на 4. коло на Првата...

Поврзани написи
Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со...

Останато

Формиран Сојузот на училишен спорт на Источниот регион – Александар Андов избран за претседател

Со цел унапредување, развој и поголема афирмација на училишниот спорт, официјално се...

Останато

Три победи и само еден загубен сет: Штип УГД вечерва ја брани серијата против Работнички

Штип УГД вечерва има можност да го продолжи беспрекорниот првенствен почеток. Во...

Останато

Јовановски и Деспотовски на 40. Конгрес на ФИВБ во Доминиканска Република

Претседателот на Одбојкарската федерација на Македонија, Петар Јовановски, и генералниот секретар Филип...

✕
error: Содржина е заштитена! Се забранува копирање на истата!