По повод големиот национален празник Илинден, денес во кумановско Агино Село се одигра фудбалски натпревар помеѓу актуелниот состав на ФК Македонија Агино и ветераните на клубот.
Натпреварот започна рано утринава во 9:30 часот и понуди пет погодоци. Актуелните фудбалери беа поуспешни од ветераните и победија со резултат 3:2. Сепак, резултатот беше во втор план – во преден план беа дружбата, забавата, пријателството и спортскиот фер-плеј.
Во рамки на празничната програма беа организирани и утринска литургија, примопредавање на кумството, како и празнична трпеза.
Синоќа, во Агино Село беше одржана и музичка забава по повод Илинден.
