Драматични моменти, маестрални потези и емоции до последниот свиреж – тоа беше полуфиналната вечер на турнирот „Петровден 2025“ во Мешеишта!
Првиот полуфинален дуел донесе вистинска неизвесност. АСП Пак и Кафе Бар 9 одиграа реми 1:1, но во пенал-рулетот повеќе смиреност и прецизност покажаа играчите на АСП Пак, славејќи со 4:3 и освојувајќи билет за големото финале.
Во второто полуфинале, Кафе Бар Коко демонстрираше моќ и зрелост, убедливо совладувајќи го Хотел и Спа Инекс Олгица со 5:1. Тимот предводен од искусниот Зоран Левески и Марио Благојевски уште еднаш потврди дека е во врвна форма и ќе атакува на титулата со полна сила.
- Финалниот ден – Сабота, 12 јули 2025
20:30 | Натпревар за трето место:
Кафе Бар 9 – Хотел и Спа Инекс Олгица
21:30 | Ревијален натпревар
ФК Фер Плеј Охрид – генерација 2015/2016 и помлади
Организаторот на турнирот мисли и на младите фудбалски таленти, кои ќе имаат можност пред полни трибини да одиграат ревијален натпревар пред стартот на големото финале.
22:30 | Големото финале:
АСП Пак – Кафе Бар Коко
Очекуваме незаборавна вечер, исполнета со спортски дух, страст и фудбалска магија – достојна за јубилејното 50-то издание на овој традиционален турнир.
Спортска Мрежа, како медиумски покровител, ќе пренесе секоја емоција и секоја минута од оваа историска вечер во Мешеишта!
