Најдобриот стрелец во Првата македонска фудбалска лига, Марко Ѓорѓиевски има нов клуб и кариерата ќе ја продолжи во романскиот шампионат.
Со постигнати 15 голови во изминатата сезона, колку што има и Бесарт Ибраими од Шкендија, сега веќе поранешниот фудбалер на прволигашот од Кратово кариерата ја продолжи во Клуж.
Центрафорот ќе настапува за романскиот вицешампион, а новиот тим на Ѓорѓиевски ќе игра во квалификациите за Лигата на Европа.
Низ својата кариера Ѓоѓиевски има настапувано за Вардар, Борец, Шкупи, Брера Струмица и Силекс во македонскиот шампионат, а во странство беше дел од српските екипи Вождовац и Раднички.
