Третолигашот Света Троица 2021 од Охрид беше дебитант во Третата македонска фудбалска лига – Југозапад, сезоната ја заврши на деветтото место со 22 бодови на своето конто, а клубот за новата сезона ќе крои планови за подобар пласман и поголеми успеси.
Дебитантот од Охрид зад себе има успешна сезона, а за следната сезона ќе добие и свој терен кој е лоциран кај поранешната касарна во Охрид, што е потврда дека клубот размислува на долгорочна основа.
Тренерот на клубот, Борис Бимбилоски најавува дека следната сезона ќе одат посилно!
„Кога сонот станува реалност, клубот кој е длабоко врежан во моето срце. Ви благодарам дечки за се, следната сезона одиме посилно“, рече Бимбилоски.
Света Троица 2021 во сезоната која заврши имаше учинок од пет победи, седум ремија и девет порази.
