Заврши возбудливата сезона во Третата македонска фудбалска лига – Север, каде голем број на головите паѓаа во речиси секое коло, а вистински голгетери ја одбележаа сезоната. Најмногу се истакна Мерван Фетаи од Беса Слупчане, кој со 32 погодоци доминираше и заслужено ја понесе титулата најдобар стрелец на сезоната.
Зад него, со фантастични 28 гола, се најде Орхан Мифтар од БВК Коњаре, додека третата позиција ја зазеде еден од клучните играчи на шампионот Шкендија Арачиново – Дарио Десниќ, кој постигна 22 гола и значајно придонесе за титулата на својот клуб.
Во листата на топ стрелци влегоа и:
-
Фати Јусуфи (БВК Коњаре) – 17 гола
-
Андреј Јовановски (Куманово) и Мартин Лазев (Ржаницино) – по 13 гола
-
Бејтула Авдулаи (Башкими Љуботен) и Ферди Исмаиловски (Еуромилк) – по 12
-
По 11 погодоци запишаа Шуајб Алити (Шкендија Арачиново), Елмедин Арифи (Риниа 98), Ахмед Бакијов (Еуромилк) и Александар Каланоски (Аеродром 2018).
Шампионот Шкендија од Арачиново со својата офанзивна игра заслужено се закити со шампионската титула и сега ќе има шанса преку бараж меч против Осогово од Кочани да обезбеди пласман во Втората лига. Баражот меѓу овие две екипи се игра на Градскиот стадион во Кавадарци, в сабота од 17 часот.
