Како изгледа табелата во Втора лига? Каква ќе биде борбата до крај за шампионска титула и влез во Прва лига?

На три кола до крајот и натаму останува неизвесноста за Прва лига, но сега наместо со четири екипи, трката се сведува на три екипи. Лидерот Македонија ЃП е на врвот со 60 бодови, Арсими е втор со 58 бодови, а пак Башкими е трет со 57 бодови, додека пак Брегалница е „закована“ на четвротото место со 52 бодови.

Првите две места водат директно кон Прва лига, а пак третото место во баражот за можен влез во Првата македонска фудбалска лига.

Македонија ЃП во вторник игра против Вардар Неготино во гости, потоа гостува кај Арсими во дербито на 28. коло, а во последното коло ќе игра дома со Беласица.

Арсими ќе гостува утре во Велес кај Борец, кој е нов третолигаш, потоа дома го игра дербито со Македонија ЃП, а во последното коло ќе гостува кај Вардар Неготино.

Башкими утре гостува кај Кожуф во Гевгелија, па го пречекува Детонит Плачковица дома и во последното коло против Брегалница во Штип.

Екипата на Брегалница утре ќе игра дома со Беласица, потоа ќе гостува кај Охрид и во последното коло дерби со Башкими на домашен терен. Ова е распоредот на четири екипи за последните три кола во ВМФЛ:

• ЦЕЛА ТАБЕЛА ВО ВТОРА ЛИГА СО ПРОМЕНА НА ПОЗИЦИИ ОД ПРЕТХОДНОТО КОЛО: