Екипата на Охрид со минимални 1:0 триумфираше над Кожуф на домашен терен со што охриѓани дојдоа до 12-тата сезонска победа и така го имаат петтото место во Втората македонска фудбалска лига.
Тимот на овој меч настапи со подмладен состав, а стрелец на победничкиот гол беше Давид Карамачоски кој погоди во 84. минута од мечот.
Младиот тренер на Охрид, Ромео Кочоски во изјава за Спортска Мрежа, истакна дека на мечот со тимот од Гевгелија настапиле со подмладен состав, а како што вели неговиот тим имал две различни полувремиња.
За Спортска Мрежа, кормиларот на Охрид истакна дека до крајот од сезоната ќе им дадат шанса на младите играчи.
„Натпреварот со Кожуф го започнавме со подмладен состав (седум младинци). Одигравме две различни полувремиња. Во првото полувреме гостинот беше подобар, но не ги искористи своите шанси. Вториот дел ни припадна нас, бевме подобри во поле, створивме повеќе шанси, а при крајот една од нашите шанси ја реализиравме и постигнавме гол со што трите бодови остана дома. Остатокот од сезоната како и во мечот кој ни следува ќе се надигруваме со противници, каде што ќе им дадеме шанса на помладите играчи“, изјави тренерот на Охрид, Ромео Кочоски за Спортска Мрежа.
Веќе утре екипата на Охрид ќе гостува во Радовиш каде Детонит Плачковица, во меч од 28. коло на Втора лига, а кој меч ќе биде дерби за петтото место на табелата во ВМФЛ.
