Во струшкото село Враништа, по 31. пат ќе се одржи традиционалниот пролетен турнир во мал фудбал „Враништа 2025“. Организаторите и оваа година најавуваат богата наградна програма и силна конкуренција.
За првопласираната екипа е предвидена парична награда од 110.000 денари. Второпласираната ќе добие 55.000 денари, третата 25.000 денари, а четвртопласираната екипа ќе биде наградена со 10.000 денари. Дополнително, ќе бидат доделени индивидуални признанија за најдобар играч и најдобар голман на турнирот.
Пријавувањето за учество е веќе отворено и ќе трае најдоцна до 8 мај 2025 година. Екипите може да се пријават на телефонскиот број 071/355-212 (Јанче). Котизацијата за учество изнесува 4.000 денари, а секоја екипа треба да брои од 6 до 10 играчи.
Извлекувањето на групите е закажано за 9 мај во 20:00 часот, додека финалниот натпревар ќе се одигра на 2 јуни, на празникот Св. Талалеј. Сите натпревари ќе се играат со официјални судии делегирани од Фудбалската федерација на Македонија.
Како и изминатите години, и ова издание на „Враништа 2025“ ќе биде медиумски покриено од Спортска Мрежа.
