Трите бодови останаа во Брвеница, откако во рамки на 18. коло на Трета лига – Запад екипата на Вардар со 2:0 го доби Влазерими од Кичево, па со тоа и веќе се станува јасно околу шампионската титула.
Искусниот Даниел Радески во 22. минута погоди за 1:0 на полувреме, а во вториот дел Бојан Михајловски постигна гол за конечни 2:0.
Љуботен на домашен терен загуби од Камјани со резултат од 2:4, а гостинот го слави Арлинд Берзати кој постигна хет-трик.
За Камјани стрелец на еден гол беше Ибраим Јусуфи, додека пак за домаќинот стрелци беа Игор Савевски и Бојан Костадиновски.
Доброшто дома загуби од Велазерими Слатино преку пресврт со 1:2. Домашниот тим преку Сулимани дојде до 1:0 во 11. минута, а четири минути подоцна Мемеди погоди за 1:1.
Во вториот дел Мемиши постигна гол за пресврт и конечни 1:2.
Дрита со 4:1 славеше домашна победа над Зајази на теренот во Боговиње, каде за домаќинот Џемаили беше двоен стрелец, а по еден гол постигнаа Алили и Исмаили.
Лидерот Тетекс слави победа обезбедена во вториот дел над Џепчишти со резултат од 0:3. Најдобриот стрелец Ментор Саљиу погоди за 0:1 во 56. минута, а потоа Менга и Елмази стави печат на победата за „штофарите“.
Натпреварот меѓу Напредок и Речица не се одигра, како што веќе информираше Спортска Мрежа гостинот не допатува поради дефект на возило, ова ќе значи и службена победа за домашниот тим.
