Репрезентацијата на Македонија вечерва загуби од Словенија во Копер со резултат од 38:27, по вторпат откако Македонија беше поразена од Словенија и во Скопје во рамки на квалификациите за Европското првенство кое се игра 2026 година.
Ракометната федерација на Македонија побара одложување на натпреварот поради големата трагедија која се случи во дискотеката во Кочани, сепак ЕХФ не го прифати барање, па избраниците на селекторот Кирил Лазаров го одиграа овој натпревар кој беше навистина тежок со оглед дека ноќеска се случи големата трагедија.
Натпреварот започна со минута молк и мораше да се одигра бидејќи ќе бевме дисквалификувани и казнети.
Словенија постепено правеше разлика со која на полувреме замина со 20:12, а во вториот дел таа предност се одржуваше до конечните 38:27.
Дополнителен проблем за Македонија беше и повредата на Марко Митев, а кој со носилки беше изнесен од теренот.
Најдобар кај Македонија беше Филип Кузмановски со шест погодоци, а пак кај Словенија најдобар беше Алекс Влах со девет погодоци.
Во нашата група Словенија е прва со максимални осум бодови, Литванија е втора со шест бодови, Македонија е трета со два бодови, а пак Естонија е последна без бодови.
Македонија за место на ЕП ќе мора да се бори во мај месец кога прво ќе играме со Естонија во гости, а потоа дома со Литванија.
