Третата фудбалска лига – Југ ќе биде еден од неизвесните региони каде ќе се води голема борба на фудбалските терени за бодови во битката за првото место кое води во баражот за можен влез во Втората лига.
Три екипи ќе водат неизвесна борба за првото место, а тоа ќе понуди неизвесна пролет кога е во прашање Трета лига – Југ. Лидерот Големо Коњари, второпласираниот Башкими 2008 и третопласираниот Превалец ќе ја водат таа пролетна борба.
Овие три екипи се одвоија во трката за шампионскиот пехар, лидерот Големо Коњари е на врвот со 32 бодови на своето конто, Башкими 2008 е на второто место и има 31 бод, а пак Превалец кој е трет има 28 бодови.
Големо Коњари до крајот зависи сам од себе, најтежок меч за лидерот ќе биде дербито со Башкими 2008, откако со Превалец одигра 1:1 во рамки на 15. коло, а Превалец ќе треба да игра исто така и со Башкими 2008.
Секоја екипа до крајот нема право на грешка, неизвесноста е голема, а тоа ќе понуди интересен фудбал на Југот. Како што е познато шампионите во Трета лига немаат директен влез, мораат да играат бараж за влез во Втора лига, а во баражот се сите шампиони во Трета лига плус екипата која ќе заврши на 14. место во Втора лига.
