Заврши регуларниот дел од Првата ракометна лига на Македонија, остануваат да се одиграат три натпревари, но поради трагедијата која се случи во Кочани, истите беа одложени.
Требаше Кичево да игра дома против Металург РА и Јехона против Овче Поле, а пак Астраион и Мулти Есенс во Струмица.
Но, и без овие натпревари познати се сите патници во плеј-офот и плеј-аутот.
Тоа значи дека во плеј-офот на Првата лига каде ќе се разигрува за влез во Суперлигата ќе настапуваат Еурофарм Пелистер 2, Мулти Есенс, Метарлуг РА, Овче Поле и Јехона од групата А, додека пак од групата Б ќе настапуваат Младост Богданци, Драчево, Македонија ЃП, Вардар Неготино и Скопје.
Во плеј-аутот ќе настапуваат Кичево, Аеродром и Астраион од групата А, а пак од групата Б тоа ќе бидат Партизан, Шампион, штипски Текстилец и Преспа Вардар од Ресен.
