Лидерот Македонија ЃП ремизираше против Каменица Саса на незгодното гостување во Македонска Каменица, откако двете екипи ремизираа без погодоци 0:0.
Фудбалерот на Саса, Тони Мичковски за Спортска Мрежа вели дека ремито било најреален исход, додава дека прикажала тимска игра со шанси и за победа.
„Натпреварот против лидерот Македонија ЃП го дочекавме подготвени за надигрување со лидерот на табелата. Прикажавме една тимска игра со шанси и за победа на денешната средба, но и понесени од одбранетиот пенал на нашиот голман Симон Стојкоски во второто полувреме ни фалеше уште реализација и да освоиме вредни три бодови. Сè на се нерешено беше најреален резултат од оваа пресметка со лидерот на табелата“, изјава Мичковски за Спортска Мрежа.
Каменица Саса во следното коло ќе гостува кај Арсими, а пак Македонија ЃП ќе го пречека последнопласираниот Вардарски.
