Со два натпревари вчера беше отворено 15. коло на Втората футсал лига, а кое ќе се комплетира со натпревари кои се играат денес и утре.
Ланскиот прволигаш Овче Поле со 2:3 славеше триумф против ССК Скопје. На полувреме тимот од Свети Николе имаше предност од 1:2, откако Лука Наумов и Давид Бојковски погодија 0:2, а пак за домашниот тим гол постигна Стефан Богдановски. Во вториото полувреме Христијан Илиевски постигна гол за 1:3, а пак Богдановски со втор гол во финишот ги постави конечните 2:3.
Ехналон на домашен терен во целост беше декласиран и надигран од Каршиака со резултат од 4:12.
За стружани двојни стрелци беа Бојан Јанкоски и Љубиша Баткоски. За гостинскиот тим хет-трик постигна Џезаир Рамадани, двојни стрелци беа Нехат Емини, Енис Ибраими и Хамза Садики, а по еден гол постигнаа Фуркан Ќани, Енис Мемеди и Амар Мемеди.
Денес Кораб на домашен терен игра со Кратово, Мал Ајакс против Карадаку, Победа против фаворитот Балкан во Прилеп, а колото ќе се затвори утре со мечот меѓу Конзули и Сее Университи, меч кој се игра во Демир Хисар.
