Во Втората футсал лига на Македонија многу често започнавме да гледаме „ракометни“ натпревари од аспект на тоа по колку голови се постигнуваат на еден натпревар.
Така беше и во Брвеница, каде Партизан Југ загуби од Кораби во натпревар со 27 погодоци за конечни 12:15, откако на полувреме беше 8:9, во рамки на 14. коло од Втората футсал лига на Македонија.
Некои ракометни натпревари во Македонија завршуваат со ваков резултат, но ете и во футсалот имаме вакви резултати.
Тео Симњановски постигна четири гола за домаќинот, двојни стрелци беа Виктор Јовановски и Даниел Радески, а по еден гол постигнаа Дејан Јанкулоски, Даниел Јандриески, Илија Јанкулоски и Новаци Костадиноски.
За гостинската екипа од Дебар пет гола постигна Ервин Елезоски, четири гола Октај Беќири, хет-трик на Дарко Блажевски, два гола посигна Енес Боличе, а еден гол Миќо Блажевски.
Колото се комплетира вечер со мечот меѓу Овче Поле и Конзули кој се игра во Свети Николе од 20 часот.
