Каменица Саса со убедливи 4:0 во секој сегмент ја надигра Брегалница и ја декласираше на стадионот „Кукуш“ во Турново, во рамки на 18. коло на Втората лига.
Тој голем пораз значеше спогодбена разделба меѓу Брегалница и тренерот Трајче Сенев, а после мечот еден од најискусни играчи на Каменица Саса, Дарко Алексовски – Пеле за Спортска Мрежа изјави дека одлично се подготвиле за Брегалница и ги согледале слабостите на штипскиот тим.
Според Алексовски, Брегалница ги потценила нив, а тоа не требало да биде така, дополнително вели дека играат тимски, а притоа пред камерата на Спортска Мрежа рече дека сакаат да бидат хит во Втората лига и да играат бараж за Прва лига како лани Детонит Плачковица.
- ЦЕЛАТА ИЗЈАВА НА ДАРКО АЛЕКСОВСКИ ЗА СПОРТСКА МРЕЖА:
Каменица Саса веќе утре во рамки на вонредното 19. коло на Втората лига ќе гостува во Велес кај Борец, а веќе во сабота во рамки на 20. коло ќе го одигра првиот пролетен натпревар на својот терен во Македонска Каменица, откако истече суспензијата од два натпревари поради инцидентит со Скопје од последното есенско коло.
Во сабота на свој терен и пред своја публика Каменица Саса ќе игра против Македонија ЃП, а Алексовски уште од сега ја повика публиката во Македонска Каменица и верните навивачи да се мобилизираат за максимална поддршка од трибините.
