Утре започнува пролетната полусезона во Првата женска фудбалска лига со натпреварите од 15. коло.
Познати се и судиите кои ќе ја делат правдата на натпреварите, а во рамки на првото пролетно коло слободна ќе биде екипата на Скопје.
Ивана Пројковска ќе ја дели правдата во Пржино каде ќе се соочат Истатов и лидерот Тиверија Брера, Топ Гол на домашен терен во Битола ќе игра со шампионот Љуботен, а за правдата ќе биде задолжен Марјан Стојановски.
Пларент Салихи ќе го суди мечот меѓу Речица и Ас Јунајтед, додека пак Ангела Рајчевска ќе биде делител на правдата на мечот меѓу Каменица Саса и Атлетико од Битола.
- ДЕЛЕГИРАНИ СУДИИ 15. КОЛО ПРВА ЖЕНСКА ЛИГА:
Истатов – Тиверија Брера, Ивана Пројковска (Скопје) 14:00 часот
Топ Гол – Љуботен, Марјан Стојановски (Кичево) 14:30 часот
Речица – Ас Јунајтед, Пларент Салихи (Тетово) 13:00 часот
Каменица Саса – Атлетико, Ангела Рајчевска (Скопје) 12:00 часот
Скопје (слободна екипа)
