По долги 12 години Ракометната федерација на Македонија денес ќе добие нов претседател, кој ќе биде наследник на Живко Мукаетов, кој беше успешен на оваа функција со три мандати. Федерацијата нема долгови, стабилна со големи резултати и редовен учесник на сите големи натпреварувања.
Денес на Изборното собрание на РФМ единствен кандидат ќе биде Александар Стефанов, откако Драган Начевски се повлече од трката за Претседател на РФМ. Во Ракометната федерација ќе има и промени во самата структура, односно федерацијата ќе добие и нов Генерален секретар.
Стефанов е поранешен ракометар и главен спонзор на РК Бутел Скопје, човек кој одлично го познава ракометот и како поранешен ракометар, а измиантиот перидо Стефанов имаше средби со спортските работици, претставници на клубовите со кои разговараше за неговата визија и програма.
Стефанов ќе биде шестиот претседател на РФМ, во минатото Живко Мукаетов кој денес ќе го заврши својот трет мандат како претседател на РФМ го водеше македонскиот ракомет 12 години во период од 2013 до 2015, претходно Михајло Михајловски во период од 2008 до 2013, Трифун Костовски од 2003 до 2008 година, Душко Кадиевски во период од 1999 до 2003 година и Иван Бојков кој беше на оваа позиција во период од 1989 до 1999.
Собранието ќе се одржи денес со почеток од 12 часот.
