Фаворитите во 19. коло одиграа според планот, Вардар со 26:38 го „збриша“ Куманово и сега ќе го чека исходот од дербито на колото меѓу шампионот Еурофарм Пелистер и Алкалоид, дерби кое се игра утре во Битола.
Најдобар кај Куманово со осум гола беше Давид Димевски, а кај Вардар со по четири гола се истакнаа Крсманчиќ, Лазаревски, Срдановиќ, Пинто и Борозан.
Тиквеш и Бутел забележаа високи победи и со тоа се „загреваат“ за плеј-офот каде ги очекува борба за место во Европа.
Тиквеш на домашен терен немаше проблем со Прилеп и го доби со 30:24 односно шест разлика, каде Кривокапиќ постигна седум гола, а по пет имаа Анастасовски и Темелкоски, а кај Прилеп Шабановиќ имаше седум гола.
Бутел против Струга крај езерото однесе победа исто така од шест разлика за 24:30, резултат ист како тој во Кавадарци. Стојков кај Стуга беше најдобар со пет гола, кај Бутел се истакна ДИмитар Узунчев со осум реализации.
Охрид во претходно коло загуби од шампионот Еурофарм Пелистер, но одигра маестрален меч, а сега во Скопје кај Пролет ремизираше играјќи 23:23, откако во првиот дел „преспа“ и на полувреме имаше негатива од 12:8.
Кај Пролет најдобар беше Василевски со шест гола, а кај Пролет се истакна Орјоникидзе со седум гола.
Радовиш пак ремизираше со Борец во Велес каде имаше можност и да триумфира, но сепак исходот беше 30:30. Миланов кај велешани со десет гола беше најдобар, а кај радовиш се истакна Стојаноски со седум гола. Меч каде и двете екипи имаа свои моменти, но не беа во ситуација да направат осетна резултатска предност, а во финиот од мечот Радовиш имаше напад за победа, но велешани се одбранија.
