На 2. март ќе биде означен стартот на пролетната полусезона во Третата македонска фудбалска лига – Југ, со натпреварите од 14. коло.
Борбата за првото место и баражот за можен влез во Втора лига ќе биде неизвесен. Лидерот Големо Коњари има отворени амбиции да го сочува првото место и со тоа да дојде до баражот, откако минатата сезона, Големо Коњари беше есенски шампион, на сепак на крај Борец стигна до првото место.
Покрај Големо Коњари со отворени амбиции е и екипата на Превалец. Овие две екипи промовираа по неколку квалитетни засилувања. Екипата на Башкими 2008 е второто место има бодови со кои тимот сигурно е дека ќе конкурира за првото место.
Ќе има обиди и од сенка од втор пат и на други екипи, па тоа прави пролетниот дел во Трета лига – Југ да биде неизвесен и атрактивен.
Во рамки на првото пролетно коло лидерот Големо Коњари на домашен терен ќе се соочи со Питу Гули од Крушево, Слога Лажани на домашен терен ќе игра со екипата на Дреново, Венец во Долни Дисан ќе го пречека тимот на Влазними Јуниор.
Поранешниот второлигаш Росоман на домашен терен ќе се соочи со Башкими 2008, во Кривогаштани соочување на Младост и Ултрас, а пак Превалец оди на мегдан со Бучин.
Како што е познато во овој регион од 14 екипи останаа 12, односно Марена се откажа пред почеток на сезоната, а пак Обршани подоцна во текот на есенскиот дел се откажа од понатамошно натпреварување.
