Кандидатот за експресно враќање во Прва лига, екипата на Брегалница со реми го отвори пролетниот дел откако одигра „нула“ во Прилеп против Победа, но за „сините“ среќа беше што во финиот на мечот Борец постигна гол против Башкими за поделба на бодовите, инаку Брегалница сега ќе биде трета на табелата.
Но, психолошкиот притисок се зголемува, бидејќи Арсими сега дојде на два бода од второто место каде што е Брегалница, па тоа прави значително неизвесна пролет кога е во прашање борбата за второто место кое директно води кон Прва лига и третото место или баражот за Прва лига.
Новаци е незгоден противник, кој во минатото се покажал како тим кој знае да ги изненади фаворитите и да им земе бодови, така беше случајот и со Детонит Плачковица во претходното коло кога одигра 0:0, а така беше и со лидерот Македонија ЃП, реми, но потоа Новаци мечот го доби службено.
Домашниот терен и домашната публика се предност за „сините“ на Трајче Сенев, а пак гостинот предводен од Дарко Крстески во Штип нема што да загуби може само да добие, а и бод ќе биде одлично завршена работа за Новаци.
