Вечерва се комплетираше четвртфиналето од футсал Купот на Македонија, каде веќе беше екипата на Јувентус Серава, која вчера го совлада Партизан Југ и се пласираше во полуфиналето.
Вечерва, второлигашот Мал Ајакс пружи силен отпор против прволигашот Осогово и загуби со 1:2, со што штипјани потврдуваат дека имаат зрел тим за Прва лига.
Кристијан Станојковски беше двоен стрелец за тимот од Крива Паланка, погоди за 0:1 на полувреме и во 30. минута за 0:2, а четири минута подоцна Иса Дурмишов ги постави конечните 1:2.
Балкан преку Јусуф Сулејмани патува во полуфиналето откако со 7:5 го совлада Кратово во второлигашкото дерби. Сулејмани беше стрелец на четири гола, а по еден гол постигнаа Џењал Мјаку, Кадир Амза и Ибрахим Алији.
Кај гостинската екипа двоен стрелец беше Димитар Стојановски, а по еден гол постигнаа КевинЈакимов, Давид Стојановски и Влатко Илиевски.
Бранителот на Куп титулата, Форца со 9:7 славеше над Шкупи и со тоа обезбеди полуфинале и го продолжува патот за одбрана на титулата во футсал Купот на Македонија.
Берат Рамадани беше стрелец на пет погодоци за Форца, Јасир Секири постигна два гола, а по еден гол постигнаа Харис Омеровиќ и Артан Јунузи. За екипата на Шкупи хет-трик постигна Сали Салиевски, Зекир Зејнели имаше два гола, а пак Дионис Укшини постигна еден гол, додека пак Берат Рамадани си постигна автогол за конечните 9:7.
Со тоа во полуфиналето се Форца, Балкан, Јувентус Серава и Осогово.
