Екипата на Осогово утре се соочува со уште едно тешко гостување, овој пат во Автокоманда против фаворитот Скопје, во рамки на 17. коло на Втората лига.
„Жетварите“ со пораз стартуваа во Неготино, откако загубија од Вардар Неготино со минимални 1:0, а овој пораз беше тежок бидејќи беше од конкурент за опстанок, па така тимот од Неготино направи два чекор напред, Осогово ако не три, но сигурно два назад.
Сега тимот од Кочани е на нов предизвик да обезбеди опстанок, бидејќи со секој друг исход ќе заврши во зоната за директно испаѓање, ако Борец успее да слави против Победа на домашен терен.
Од коло во коло работите ќе се комплицираат за опстанок, па тимот ќе се сведе на борба за баражот, но и тој не гарантира опстанок, бидејќи ова сезона баражите ќе бидат многу понеизвесни, против одлични и квалитетни екипи како Слога Виница, Влазерими, Шкендија Арачиново.
Затоа е голема борбата во Втората лига да се избегне бараж зоната односно 14-тото место.
Осогово не одигра толку лошо во Неготино, теренот на „Цвај арена“ беше многу лош, тоа директно влијаеше врз играта, имаше одлични шанси Осогово, но не успеаја да реализираат и да го отворат резултатот, па тоа го казни Вардар Неготино во 45. минута преку Давид Спасов.
Во вториот дел Вардар Неготино тргна одлично, а Осогово беше во игра благодарение на голманот Ѓорѓи Јованоски, кој имаше одлични интервенции, сепак тимот претрпе пораз од 1:0.
Скопје, пак, одлично отвори откако во Богданци со 0:3 лесно го декласираше „фенерџијата“ Вардарски. Теренот во Автокоманда е тежок за освојување на гостински бодови, свесни се и од Осогово за тоа, па доколку тимот психилошки е стабилен после поразот од Неготино, доколку тимот ова недела одлично изработил тогаш ќе има повеќе од право да се надева на позитивен резултат.
Битката за трите бодови на „Железарница“ кои живот значат за Осогово, дали „жетварите“ ќе успеат во Кочани да однесат нови три бодови или „пиратите“ ќе им скратат уште една шанса на патот кон сигурен опстанок.
В сабота од 14 часот соочување на Скопје и Осогово, каде за правдата ќе биде задолжен Боби Величков од Велес.
