Општинскиот фудбалски сојуз Охрид не го одржа закажаното Изборно Собрание, иако имаше присутни 32 делегати од вкупно 37 делегати, а причината е тоа што немаше преставник од Фудбалската федерација на Македонија.
„Општинскиот фудбалски Сојуз Охрид и покрај присуството на 32 делегати од вкупно 37 не го одржа закажаното Изборно Собрание бидејќи немаше претставник од Фудбалската Федерација на Македонија, а тоа значи дека ОФС Охрид нема да има Делегати на Собранието на ФФМ кое е закажано на 15 март 2025 година. Управниот одбор на ОФС Охрид вчера 19.02.2025 година одржа состанок и закажа по трет пат ново Собрание за 24.03.2025 година“, се вели во соопштението на ОФС Охрид.
Претходно, ОФС Охрид најави дека ќе одржи Изборно Собрание, дури и најавија дека ќе иам и претставник од ФФМ, а ФФМ потоа излезе со соопштение и демантираше дека нема да има претставник од ФФМ на закажаното Изборно Собрание на ОФС Охрид, од каде посочија дека ФФМ нема да има претставник на Собрание спротивно од Статутот, за што објави Спортска Мрежа.
