Утре во Спортската сала „Јордан Мијалков“ во Штип, одбојкарите на Штип УГД во рамки на 4. коло од втората фаза на Првата одбојкарска лига ќе се соочат со екипата на Борец.
Штипјани на домашен терен и пред својата публика во улогата на фаворити ќе настапат против Борец.
Одбојкарот на Штип УГД, Михајло Мирасчиев, за Спортска Мрежа истакна дека
„Во сабота не’ очекува меч против екипата на Борец и се надевам на максимален резултат. Се надевам дека ќе го продолжиме континуитетот на успеси во оваа полусезона и дека ќе го покажеме нашиот максимум. Ги повикувам сите љубители на одбојката да проследат уште еден интересен меч и да пружат поддршка на нашиот клуб во сабота“, вели Мирасчиев.
Натпреварот кој се игра во штипската сала „Јордан Мијалков“ ќе започне во 19 часот.
