Натпреварот од 11. коло на Втората футсал лига во Дебар меѓу Кораби и прилепска Победа на момент личеше како ракометен натпревар, бидејќи на истиот беа постигнати 27 погодоци за конечни 17:10.
Кораби беше доминантен домаќин кој се прикажа во одлично издание, откако на полувреме резултатот беше 9:3.
Дарко Блажевски за Кораби постигна пет погодоци, четири гола имапе Един Мерсовски, двојни стрелци беа Бујар Поцеста и Ервин Елезоски, а по едне гол постигаа Октај Беќири и Енис Боличе.
Кај прилепчани најмногу голови постигна Стефан Спиркоски вкупно четири, три гола имаше Кристи Крајоски, двоен стрелец беше Андреј Јолески, а пак Благојче Здравевски имаше еден гол.
Како што информираше Спортска Мрежа екипата на Кратово како домаќин наместо во Градската сала во Кратово играше во спортската сала „Софија Петровска“ во Пробиштип поради санација на салата во Кратово.
Но, овој меч екипата на Кратово го загуби со 6:12 што беше големо изненадување за домашниот тим.
Натпреварот го реши Темур Емини или уште поточно кажано тој сам го победи Кратово со седум погодоци, а по еден гол за битолскиот тим постигнаа Марјан Јовановски, Климент Гиновски, Викто Гелевски и Муза Веизовски, а пак Трајче Давитков си постигна автогол.
Кај тимот на Кратово двојни стрелци беа Бобан Начкоски и Горан Арвоски, а по еден гол постигаа Ѓпрѓи Ивановски и Драган Стефанов.
