Прволигашот Истатов го одигра првиот пријателски натпревар во рамки на зимските подготовки за вториот дел од сезоната во Првата женска фудбалска лига против актуелниот шампион Љуботен.
Натпреварот заврши со висок триумф за екипата на Љуботен од 6:0, откако на полувреме резултатот беше 2:0.
Сепак, резултатот на овој пријателски меч беше во втор план, каде шанса за игра добиваа сите фудбалерки и од двата тима со цел да може тренерите да ја проверуваат формата.
Натпреварот беше одбележан со враќањето на Кристина Петрушевска на фудбалските терени, откако најдобриот напаѓач на Истатов беше надвор од фудбалски терени 11 месеци, бидејќи го оперираше коленото.
24-годишната Петрушевска ги одигра првите 60 минути на натпреварот после тешката повреда која ја здоби на коленото, а со враќањето на Петрушевска на теренот екипата на Истатов која е предводена од искусниот стратег Кирил Изов добива големо засилување за вториот дел од сезоната каде Истатов сака прогрес на табелата, а ќе води борба и за освојување на Куп титулата бидејќи е во четвртфиналето.
