Екипата на Балкан на домашен терен изненадувачки доживеа пораз од Каршиака со 3:8.
Со оглед на амбициите на Балкан и засилувања, клубот најаува отворени амбиции за влез во Првата лига, но во рамки на 11. коло се „сопна“ и загуби од Каршиака.
Првиот дел беше неизвесен со 2:3 на полувреме за гостинскиот тим, кој пак во вториот дел беше подобар и ја потврди големата победа. За Балкан стрелци беа голгетерот Ибрахим Алији со два гола и Емин Незири кој погоди еднаш, а пак за Каршиака стрелаа Неџати Шабани и Енис Ибраими со по два гола, а по еден гол постигнаа Нехат Емини, Енис Мемеи, Кани Ќани и Фуркан Ќани.
Ланскиот прволигаш Карадаку конечно се израдува на победа, откако дури во рамки на 11. коло ја забележа првата сезонска победа совладувајќи го струшки Енхалон со 7:6 на домашен терен.
Домаќинот уште во првиот дел од мечот кој се играше во Липково покажа дека сака триумф и конечна радост откако на полувреме имаше 3:1.
Стрелци за Карадаку беа Омер Саќипи и Семир Арифи со по два гола, по еден гол постигнаа Нуриамет Саити, Салим Реџепи и Шабани Валмир, а пак за гостите од Струга хет-трик постигна Стојче Аџиоски, двоен стрелец беше Тони Прќакоски, а еден гол постигна Хадис Тафилоски.
