Вечерва Општинскиот фудбалски сојуз Тетово го одржа своето Собрание за избор на претседател, а беше избран Мујдин Исмаили, кој ќе има четири годишен мандат како претседател на ОФС Тетово.
Покрај изборот на претседател, ОФС Тетово ја истакна својата поддршка за актуелниот претседател на Фудбалската федерација на Македонија, Масар Омерагиќ, за Редовното изборно Собрание на Фудбалската федерација на Македонија, кое е закажано за 15. март, со што се очекува Омерагиќ да добие нов, четиригодишен мандат, со што ќе ја води ФФМ како прв човек до 2029 година.
ОФС Тетово е еден од поголеми сојузи, кој е одлично организиран, каде успешно се организира и Општинската фудбалска лига или Четвртата лига по ранг на натпреварување, а во ОФС Тетово членуваат клубови од машка и женска конкуренција, како прволигаши, второлигаши, третолигаши, секако клубовите од Општинската фудбалска лига на Тетово, но и футсал екипи, фудбалски академии.
