Вечерва се комплетираше втората рунда од групната фаза на Светското првенство кое се игра во Хрватска, Норвешка и Данска.
Фаворитите според планот одиграа и веќе поголем дел од екипите обезбедуваат следна фаза. Тунис со тесни 25:26 славеше над Алжир, благододарение на одлично прво полувреме.
Франција немаше проблеми против Австрија и дојде до висока победа од 35:27. Австрија се обиде да парира на почетокот од мечот, но не издржа, бидејќи Французите во текот на мечот го диктираа темпото и резултатот.
Шпанија пресилна беше за селекцијата на Јапонија, мечот заврши со 39:20, со одлично прво и убедливо второ полувреме на Шпанците.
Словенија со 36:24 славеше над селекцијата на Зеленортските острови. Во првиот и во вториот две двете селекции постигнаа по ист број на погодоци, односно Словенија имаше по 18 гола во двете полувремиња, а пак поразената селекција по 12 во двете полувремиња.
Шкедска со второ одлично полувреме ја доби репрезентацијата на Чиле со 30:42, откако во вториот дел репрезентацијата на Чиле буквално се распадна. Во првиот дел резултатот беше 19:20, за што Шведска доби силен отпор, а во вториот дел посериозно ја сфати работата и со 11:22 дојде до конечниот 30:42.
Данска без проблеми ја декласираше Италија со 39:20 со две убедливи и одлични полувремиња на репрезентативците на Данска.
Исланд воопшто не виде мака против Куба и со 40:19 однесе висока победа, а на триумф се радуваше и Катар предводен од Веселин Вујовиќ со 25:22 против Кувајт, со што Катар ќе патува во следната фаза.
