Поранешниот македонски репрезентативец, Даниел Аврамовски и официјално го засили тимот на Игдир, кој ќе се бори за опстанок во Втората турска лига, а стави потпис на договор со важност до јуни 2026 година.
Искусниот фудбалер од средниот ред во Игдир доаѓа од редовите на Болуспор, а сега ќе му помага на новиот клуб во борбата за опстанок во Втората турска лига.
Авромовски во есенската полусезона постигна девет гола и четири асистенции во дресот на Болуспор и со тоа е трет најдобар стрелец во лигата.
Својата кариера ја започна во Работнички, настапуваше и за Македонија ЃП и Вардар во домашниот шампионат, во странство беше дел од Црвена Ѕвезда, Београд, Олимпја во Словенија, потоа се врати во српскиот шампионат настапувајќи за Војводина, во БиХ играше за Сарајево, Кајсериспор и последно за Болуспор.
29-годишниот фудбалер има одиграно и осум натпревари за македонската А репрезентација.
